Бодолын түүвэр
Сарны туяа цонх нэвтлэн хөнжил дээр асгарна
Салаа хархан гизэг задарч дэрэн дээр асгарна
Хос зүрхний нандин үгс над дээр чам дээр асгарна
Хорвоо ертөнцийг дэвтээх бороо газар дэлхий дээр асгарна
**** **** ****
Тавилан зөрсөн хайр надаас чи холдож
Тахилын зул шиг бүдгэрч тэнгэрийн заадас тийш одохуйд
Эгшиж хатсан сайрыг орхин ядах хун
Энэнлэн дуудан хайлсаар өмнийг зорин зэллэнэ
**** **** ****
Нөмгөн гуниг хөнжлөөс сугарахдаа
Нүцгэн шүүдэрт хүрхээс зайлсхийнэ
Нүгэл нь дэндүү гаарсан сэтгэлд
Нүүдэлийн бодол сүлрэн сандаачина
**** **** ****
Би гэдэг хүн чамайг хайрласаар
Бие болоод сэтгэл минь ганц чамайг л хүссээр
Анирхан үдэш амгалан шөнийг бодсоор
Амрагийн болзоо учралын тайллыг мөрөөдсөөр
БОР овогт Энхболорын Ганхуяг
Сэтгэгдэлүүд:
Сэтгэгдэл үлдээх: