<a href="http://www.gereltnaran.bblog.mn"><target="_blank"><img src="http://dc171.4shared.com/img/139851895/eb3d8265/tom_banner.gif?sizeM=3" border="0"width="466" height="66" alt="fgvv"></a> Сайн байна уу. Энэ захиаг уншихгүй ч гэсэн өдрийн мэнд хүргэе.

Чамдаа уучлаарай гэж хэлэхэд хэтэрхий оройтчихсон байхаа. Бүтэн 1 жил хагас аль хэдийн өнгөрчихөж. Гэхдээ л хэлж чадаагүй энэ үгийг хэлээгүйдээ харамсаад өөрийгөө буруутгаж амьдрахгүйн тулд үүнийг бичиж суунаа.

Хоёулаа хаврын хавсарган салхитай жихүүн орой танилцаж байж. Чамдаа туньж эрхэлж аргадуулсаар нэгэн оныг үдсэн нь одоо богинохон мэт санагдана. Гэхдээ бардам зандаа эрдээд би чамайгаа алдчихсаан. Дэндүү их хайрлаад аргадаад байсанд чинь сохроод чамайгаа хэзээ ч бодож байсангүй. Хамгийн сүүлд айхтар хатуу үгс хэлчихээд чамаар гуйлгана гэсэн бүрэн итгэлтэй байсан болохоор бууж өгөх тухай хоромхон ч бодоогүй. Халамцуухан орж ирчихээд үг дуугүй гал тогоонд өрөвдөлтэй сууж байсан төрх чинь одоо ч нүдэнд тодхон. Өрөөндөө орж суучихаад нүүр өгөлгүй байсаар гаргачихаж байхдаа эргээд орж ирээд гуйна л гэж бодож байсансан. Одоо тэр үедээ эргээд очих юм бол тэвэрч зогсоод чамайгаа хааш нь ч явуулахгүй байхсан.

Тэгж гарч яваад чи над руу ирээгүй яриагүй. Мэсэнжэрийн статус дээрээ УУЧЛАЛ ГУЙХЫГ ЧИНЬ ХҮЛЭЭНЭ гээд биччихсэн байхыг чинь уншаад хмм тэгнэ ч гэж байхгүй шүү гэж дотроо хэлээд сууж байхын оронд миний буруу гэчих нь яасан юм бол. Би гаднаа бардам инээмсэглэсэн баг өмсчихөөд чамайгаа мөн чиг их хүлээсэн дээ. Дотроо шаналсан шаналалаа бүгдээс нууж бүтэн сар цэх алхсаан. Хайртай найзыхаа төрсөн өдөр дээр пяав хэтрүүлж уусны гайгаар нууж дарсан бүхнээ гаргаад мэлмэртэл уйлж багтарсан сэтгэлээ тайвшруулж байхдаа ч би чамд бууж өгөөгүй. Одоо ч тэр л хэвээрээ. Уулзсан танилцсан эргүүлсэн эрчүүлээс чинийхээ халамж хайр занг өөрийн мэдэлгүй хайчих юм...

2 сарын 14 гээд хаа холоос намайгаа зорьж ирээд өгч байсан бэлэг чинь одоо ч надад бий. Би бөгжийг нь гартаа зүүлгүй гинжэнд кулон болгоод зүүхээр хүмүүс ямар учиртайг нь их асуудаг. Надад өгсөн хамгийн нандин бэлгийн нэг байсаар байна байхаа.

УУЧЛААРАЙ...

Энэ үг хоолой дээр гарч ирсэн үе хичнээн олон байгаа вэ. Дэндүү олон наймтай болохоор чиний дугаар цээжлэхэд хэтэрхий амархан. Одоо ч чиний дугаарыг би цээжээр мэднэ. Дугаараа нуусан дуудлага орж ирэх бүрийд би чамайг байх гэж горьддог. Юм ярилгүй хэсэг сонсож байгаад тасалдаг хүн чамаас минь өөр хэн ч байх билээ дээ. Гэхдээ би чамаас дэндүү хол явчихжээ.

Одоо Чи миний УУЧЛААРАЙ гэсэн үгийг хүлээж явдаг эсэхийг би мэдэхгүй.

Гэхдээ энэ үгийг хэлчих юмсан гэж 1 жил хагас тээсэн юм шүү. Чи минь үүнийг уншаасай.

ХАЙРАА НАМАЙГАА УУЧЛААРАЙ...

Чамдаа харамгүй хэлдэг байсан хайраа гэдэг үгийг би одоо хүн бүхнээс харамладаг. Тэр үг надад чамайг санагдуулаад байдаг болохоор би бусдыг чиний нэрээр дуудаад байгаам шиг санагддаг. Харин одоо бүгд өнгөрчихсөн. Гэхдээ би чамдаа хайртай байсан бас хийсэн үйлдэлдээ үргэлж гэмшиж явдгаа хэлэх гэсэн юм. Чиний минь энгэрт эрхэлсэн тэр бүсгүйд атаархаж хэзээ ч зүрхлэхгүй болохоор  чи минь уучлал гуйсан зүрхийг минь ойлгоод сэтгэл амар аз жаргалтай амьдар даа. БАЯРТАЙ

                                                               М.О-Д